Indian Oil Corporation Ltd. (IOCL), North East (Assam Oil Division) Chief General Manager Pu Uttiya Bhatacharya leh IOCL officials ten nimin tlai dar 4:00 khan Food, Civil Supplies & Consumer Affairs Minister Pu K. Lalrinliana chu a pisa ah hmu in Bairabi a  gas bottling plant leh oil depot siamna tura Mizoramin a ruahman IOCL leh Mizoram sawrkar official ten an  enho tawh chungchang an sawi pui bak ah , gas supply tih that dan tur te an sawi a, consumer ten ivrs (home delivery) booking an hman tangkai a pawimawh thu pawh sawiin, nikhat ah a tlem ber ah gas truck load 22 rawn thawn ziah turin an intiam bawk.

Supply Minister hian tukin dar 7:00 a IOCL in Govt. High School Field-a  Pre-delivery Checking Awareness Campaign hawnna an neih chu a hman pui bawk a, he hunah hian thu sawiin Minister chuan mipui ten kan chanvo dik kan hmuh theih nan leh kan him zawk nan home delivery kan kalpui tan a, consumer te pawhin theih ang a booking kan tih that a tul a ni a ti a, pre-delivery checking hi kan tih hram hram a ngai a, gas alh dan a dik em tih thleng in en a tha tih thu a sawi.

Pre-delivery Checking awareness campaign ah hian delivery boy ten gas an deliver hun a consumer te hmuh lai a checking leh test an neih tur chi hrang hrang – gas cylinder rih zawng, an seal that leh that loh, a leak leh leak loh  te an test na khawl hmang a en dan tur entirna an nei a ni.

Chief General Manager Pu Uttiya Bhatacharya chuan heng checking te hi an tih makmawh a nih thu sawiin, consumer ten ivrs booking leh leh iocl app hmang uar tur in a ngen a, printed bill dil ngei ngei thin tur mipuite a ngen bawk a ni.

IOCL officials lo kal te hi Mr.Uttiya Bhattacharya,CGM/IOAOD State Office, Mr. B.K.Sharma, GM(Ops),IOAOD SO., Mr. M.Patra, DGM(LPG)IOAOD SO.,  Mr.A.Dutta ,.CDRSM,Silchar DO.,Mr.D.Biswas , Sr.Mgr(LPG-S)/Silchar Area Office leh Mr. Vishal Alok , Mgr (RS) Aizawl Sales Area te an ni.