1289/2026-2027

Siaha the 4th July 2026: Nimin chawhnu dar 1 khân DC Mini Conference Hall, Siahaah Solid waste Management rules 2026 tihhlawhtlin dan tûr ngaihtuahin Special cell, Siaha District an ṭhukhawm. Ṭhutkhawm hi Special cell Chairman leh Additional DC nibawk Pu Abraham Beirazi Khithie-in a kaihruai a, Solid waste Management rules 2026 thiltum tlângpui sawifiahna neiin Siaha District ah chuan special cell hi May 2026-ah din anih thu a sawi bawk.

Pu Vanlalchhuanliana  SDO (Sadar) chuan Siaha District Action Plan leh SWM Rules hlawhtlinna tura pawimawh hrang hrang a sawi bakah, danin sawrkar hnathawk, tlawmngai pawl leh mipuite tih tûr a tuk leh mawhphurhna a pêk hrilhhriat tharna hun a nei bawk.

Special Cell thurel langsar zualte chu: 

* Bawlhlawh hi chi li (4) ah thliar hran (waste segregation) a ni tawh dâwn a: ṭawihthei (wet waste- a hring), bawlhlawh ro (dry waste- a pawl), mihring inenkawlna bawlhlawh (sanitary waste - a sen) leh bawlhhlawh sawngbawl ngai bik (special care waste - a eng) te a ni. 

*Village level Solid Waste Management Committee khaw tinah din tur a ni.

* Bawlhlawh paihphung felfai zawk hi mipuiin an zawm ngêi theih nân a tam thei ang bêr awareness campaign neih tum a ni.

* Solid waste Management centre, Siaha sak mêk hi chak zawka thawh anih theih nân uluk lehzuala vil nise tih a ni.

* Ek paihna tura ruahman ni lo, hmun remchang danga paih mai ṭhînte VC in an enfiah zel dawn bakah Solid Waste Management Centre bulah Faecal Sludge Treatment Plant bun a ni dawn.

* Leivung paihna tura ruahmante Special Cell member ten a hmunah ngei tlawh (spot visit) tura ruahmanna siam a ni.

Nimin ṭhutkhawmah hian special cell member-te an tel ṭha hle. Chairman in lawmthu sawina a nei a, hun hman tihtawp a ni.