No.4469/2021-2022
Aizawl, the 31st March 2022 : Vawiin khan Planning & Programme Implementation Department leh Deputy Commissioner, Aizawl te buatsaihin, Taxation Auditorium, MINECO-ah Sustainable Development Goals (SDGs) Zirho-na (Workshop) 'Implementation, Monitoring and Localisation of SDGs' tih chu Aizawl District huamchhunga a, Municipal pawn lama Village Councils te, NGO leh Stake holder te tan neih a ni.

Workshop hawngtu Dr. Lalhriatzuali Ralte, IAS, Aizawl DC chuan Programme hawnnaah thu sawiin SDGs pawimawhna leh a hlawhtlinna tura mipuite an pawimawh dan a sawi a. SDGs hnuaia Goals hrang hrang te fiah taka sawiin workshop hmangtu te hnenah heng Goals 17 te hi mahni hmuntheuha ti hlawhtling turin a fuih a ni.

UD&PA atangin Plastic hmang nasa lo tura inzirtirna Presentation thlir hova ngaihthlak niin, Chawhma lamah Pi Vanlalkhumtiri Chhangte, Research Officer hnen atangin District huamchhunga SDGs hmalakna tehna kalpui dan zir ho a ni. Chawhnu lamah Pu Lalchhuanawma Hrahsel, Sr. Consultant SDGs hnen atangin, Block leh Village Level-a SDGs tihhlawhtlin dan tur zirho a ni. Workshop hmangtute leh Resource persons ten sawihona tha tak an neih hnuah, Pu Lalthlamuana Fanai, DRO & Member Secretary SDGs in lawmthu sawiin workshop hi a khar a ni.