4020/2022-2023
Aizawl the 28th March 2023: Vawiin khan Vanapa hall-ah Sustainable Development Goals Coordination Centre, Planning & Programme Implementation Department chuan Higher Educational Institutes Local Immersion Program neiin, SDG Symposium an buatsaih a. He hunah hian Sustainable Development Goals (SDG) 17 leh Theme 9 hmangin intihsiakna neih niin Pu Lalmalsawma Pachuau, Secretary to the Govt. of Mizoram, Planning Department chuan hun a hmanpui.
He programme-ah hian Mizoram District hrang hrang atangin College 21 ten Mizoram chhunga an adopted village-ah local immersion an buatsaih a, riahchilhin an harsatna sutkian theih nan project an siam te sawifiahin intihsiakna an nei a ni. He intihsiaknaah hian a titha zual college thlan chhuah niin heng college-te hian Cheng nuai khat theuh an dawng bawk a ni.
SDG Mizoram a a lo hlawhtlin theih nan he intihsiakna hmang in Planning Department chuan an harsatna sutkian dan tur a remchan danin hmalakpui chhoh zel a tum a ni.
SDG hlawhtlinna tura Higher Educational Institutes-ten local immersion hmang a intihsiaknaah hian endik turin Judges 5 ruat an ni a, college naupangten presentation hmanga an project an sawifiah bakah zawhna leh chhanna hun neih niin endik an ni. Lead Judge chu Dr. Lalrinchhana (Principal Adviser, P & PI Department) niin a titha zual thlanchhuahte chu a hnuai a mi ang hi an ni :
1) Govt. Hnahthial College
2) Govt. Hrangbana College
3) Mizoram Christian College
4) Govt. Serchhip College
5) Govt. J.Buana College leh Govt. Johnson College
te an ni.
