Aizawl District huam chhunga Systematic Voters' Education and Electoral Participation (SVEEP) campaign chu vawiin chawhnu khan  DC Conference Hall, Aizawlah neih tan a ni. 

SVEEP Campaign hawnna hi Aizawl District Election Officer Dr.A.Muthamma chuan a kaihruai a. SVEEP Advertisement on EVM and VVPAT video clip tlangzarahin electoral roll, EVM leh VVPAT chungchang mipuite hnena a zau thei ang bera puanzar a tul thu a sawi a, hemi kawnga theihtawp chhuah turin kalkhawmte a sawm a ni. Election Officer Pu Lalfakzuala pawhin SVEEP Campaign kalpui dan tur tlangpui inhrialhriatna hun a hmang nghal bawk a ni. 

Tukin zing karah khan 12-Aizawl North-III (ST) Assembly Constituency chhungah SVEEP campaign tanna rally huaihawt a ni a. Bialtu ERO kaihhruaina hnuaiah  he rally hi Govt. Pianghleia High School leh Oxford Higher Secondary School zirtirtu leh zirlai te nen neih a ni.