Vote thlak thei tawh chin leh vote thlak thei mai tur ten vote thlak; tulna leh mawhphurhna hlen pawimawh zia sawikhawm in Vawiin chawhma dar 11:00 AM khan Champhai Deputy Commissioner Pu Lalthangpuia Sailo, IAS hovin thutkhawm a ni.

Vawiin a Deputy Commissioner Conference Hall, Keifang tlanga SVEEP ( Systematic Voters Education and Electoral Partipation ) Committee ah hian Champhai D.C. chuan thutkhawm hmasaa ( Dt. 20.8.2013 ) thu rel te sawi khawm leh hmalak leh dan turte a sawi a hun kal tawh thlir letin vote thlak zingah mipa aiin Hmeichhia in an thlak tha lo zawk a, vote thlak dan 95% a kai chhoh theih nan a hmalak dan tur hrang hrang an rel zingah hemi kawnga in hrilh harh nan thupui bik nei a in elna ‘Slogan Competition ’ zirlai te zingah neih nise ti a rel a ni a.

Champhai District bik atan hemi chungchang sawi zau turin Icon tur mi bik ruat nise tih an rel bawk a. Hmalakna tur hrang hrang an relte bawhzuiin Team Committee chuan rem an ruat nghal a ni.

Election Officer Pu Mark Lalthanliana chuan hemi atana hman tur in sum an dah thu leh chu chu anihna anga tangkai taka hman tur a nih thu a sawi a. Tun atan chuan Slogan competition leh Campus Campaign neih hmasak phawt rel a ni.