Teachers Day 2013 hman dan tur ngaihtuahin vawiin khan Pu R. Lalramnghaka DC & Chairman, District Level Committee on National Foundation for Teachers Welfare hovin DC office Chamber-ah Committee neih a ni a. Kumin Teachers Day chu Sikul tinah hman nise an ti.

Kum danga lo tih tawh thin angin Teachers Day-a Ball pen leh thil dangte zawrh chhuah leh turin Committee chuan a ruahman a, heng thil zawrh atanga pawisa hmuhte hi zirtirtu natna khirhkhan tuarte chhawmdawl nana hman tur a nih dawn avangin tlawmngaia lo leisak turin Committee chuan mipuite a ngen nghal a ni.

Teachers Day pual hian Deputy Commissioner chuan thuchah Local Cable TV kaltlangin a sawi dawn a. He ni lawmna atan hian ‘Teachers are Nation Builders’ tih thupui hmangin Talk Show, CZS Cable TV chu buatsaih turin Committee hian a ngen nghal bawk a ni.

Vawiina meeting-ah hian Pu R. Kapzauva, DEO chuan Teachers Day kalphung leh nihphungte a sawifiah a ni.