4305/2023-2024 

Dated Aizawl the 22nd March, 2024:  Lok Sabha Inthlanpui 2024 atana inpuahchahna kal mekah vawiin khan Aizawl DC Conference Hall ah Aizawl District SVEEP (Systematic Voter's Education and Electiral Participation) Core Committee chu thukhawm in, vote tla zat (vote percentage) tihpun a, vote thlak chungchanga inzirtirna kalpui dan sawi hovin SVEEP Nodal Officer Pi C. Laltleipuii, Director, SAU hovin an thukhawm a ni.

He meeting ah hian Mizoramin nikum kum 2023 a MLA inthlan a SVEEP hnuaia hmalakna te thlirlet niin, tun Lok Sabha inthlan atana hmalakna turte sawiho a ni a. Thalai zinga vote thlak pawimawhna inhrilhhriat te, inthlan kalphung leh Dan leh hrai te inhrilhhriat chungchang leh Election Commission of India in inthlanna huapzo leh awlsamna a awm theih nan a ruahmanna hrang hrang a siamte chu mipui hriat atan zau zawka puanzar  a pawimawhna leh bawhzui dan tur te an sawiho a ni.

SVEEP Core Committee ah hian Nodal Officer leh Assistant Nodal Officer pahnih bakah member te hi AIR, NSS, DDK, I&PR, Central Bureau of Communication atanin an tel bakah SVEEP PwD (Persons with Disabilities) pathum an tel bawk a ni.

Attachment

  • Loading attachment...