2441/2023-2024

Mamit 23rd October, 2023 : Election Commission of India-in India mipui khua leh tui diktakte tana vote kan thlak vek theihna tura programme a duan Systematic Voters' Education & Electoral Participation (SVEEP) kaltlanga hmalakna atan vawiin khan Govt. Mamit Higher Secondary School-ah hun hman a ni a. Dr. Saithantluangi Zote, Nodal Officer/DIPRO chuan Resource Person niin zirtirna a pe.

Dr. Saithantluangi Zote chuan thalai vote nei tharte zingah vote thlak pawimawhna inzirtirna chu thil pawimawh leh inzirtir ngai tak a nih thu a sawi a. Vote thlak chu kan tihmakmawh, kan mawhphurhna, khua leh tui kan nihna anga danin min phut tlat a nih thu sawiin, Vote nei zawng zawngte kumin 2023 MLA General Election-ah ngaihtuahna fim tak hmanga vote thlak vek turin a sawm a ni.

Resource Person kaihruaina hian Quiz neih zui a ni a, Election leh a kaihnawih chungchang atanga zawhna chhang dikte hnenah lawmman pek an ni.

He hun hi Pu K. Lalmakthanga, Lecturer GHSS chuan a kaihruai a ni.