2440/2023-2024

Champhai the 23rd October, 2023 – Champhai District-ah inthlan ralmuang leg felfai tak neih anih theihna tur atana Dan leh thupek kenkawh leh venhimna chungchanga hmalakna leh inpuahchahna te thlirhona meeting vawiin chawhnu khan DC Conference Hall, Keifangtlangah neih a ni.

He meeting hi 23 Champhai North AC, leh 24 Champhai South AC General Observer Dr Ranjit Kumar Singh, IAS; 25 East Tuipui AC General Observer Pu Sanjay Kumar, IAS; Champhai District Expenditure Observer Pu Abhishek J Jain; leh Champhai District Police Observer Pu Sukesh Kumar Jain, IPS te leh Champhai DC&DEO Pu James Lalrinchhana, Champhai SP Pu Vineet Kumar-te kaihhruaina hnuaia neih a ni a. Champhai District-a Excise & Narcotics, Land Custom Station Zokhawthar, Customer Preventive Force Champhai, CRPF, Assam Rifles hotute leh political party hrang hrang aiawhte an tel a ni.

Election Observer-te chuan Champhai District chu Myanmar international border thui tak awmna anih avang leh ruihhlo leh thil dang tawlh ruk thin luhka anih avangin election kaihhnawiha Dan leh thupek kenkawh leh venhimna kawnga hmalakna chak tak neih a tul thu an sawi a. Champhai District-ah inthlan hlawhtling taka neih anih theihnan Political party te nen inpawhtlang taka hmalak ho an duh thu sawiin, a mamawhte tan engtik lai pawha biakpawh theih an nih thu an sawi a. Venhimna kawnga mawhphurna neitu Police, Assam Rifles, CAPF, leh Enforcement Agency dangte chu inpuahchahna uluk leh fimkhur taka kalpui a, inpawh tlang taka thawkho turin an chah a ni.

Political party aiawh theuh te pawhin Report pe in, Champhai District election official-te hmalakna tha an tih thu leh, harsatna report tur an neihloh thu an sawi a ni.

Election vuakveta Champhai District-a venhimna hna thawk turin CAPF company pahnih lo thleng tawhin Company pahnih dang lo thlen belh tura beisei an ni a. Heng CAPF te hian Champhai District hmun hrang hrangah patrolling kalpui mekin, Flying Squad leh Statuc Surveillance Team te nen an duty ho bawk a, Strong Room an venghim mek bawk a ni. Tun dinhmunah Security kaihhnawih thilah harsatna tawh ala awm lo a ni.