2439/2023-2024

Dated Siaha 23rd October 2023: Vawiin khan Pu P.S. Pradyumna (IAS) General Observer, 39-Saiha (ST) A/C leh 40-Palak (ST) A/C chuan DC Mini Conference Room-ah Sector Magistrate- te meeting a neihpui.

Pu P.S. Pradyumna chuan inthlanna felfai leh thianghlim tak nei turin Sector Magistrate- te an pawimawh hle tih a sawi a. Sector Magistrate-te chu anmahni bial chhunga BLO-te nen an in hriatchian hle a ngai tiin, Sector Magistrate-te chu whatsapp group siama, BLO-te nena chanchin inhrilhpawh zung zung thin turin a chah a. District Election Officer- atanga hriat tur awm ang angte leh tihtur awmte a taka thawk tur an ni tih in hre reng turin a ti a, Polling Station pawh vawi hnih tal tlawh turin a chah bawk.

Sector Magistrate-te chu an bial chhunga Polling station- ah Assured Minimum Facilities( AMF ) awm leh awm loh te enfiah turin a ti a. EVM chu ngaipawimawh hle tur a chahin, mimal emaw hmun dangah emaw riak lo tur leh anmahni riahna tur hmun buatsaih ah chauh riak turin a ti bawk. Inthlanna hlawhtling taka neih a nih theih nan duhsakna a hlan tih sawiin theihtawp chhuah a thawk turin Sector Magistrate te a ngen nghal.

Vawiin thutkhawmah hian District Election Officer, SP, RO pahnih- te bakah Sector Magistrate-te an telkim thei a ni.