School Education Department bultumin vawiin khan Swachh Bharat Pakhwada ‘Meeting the Government Day 2017’ chu Government Mizo High School Field, McDonald Hill, Zarkawt Aizawl-ah hman a ni a,  Pi Esther Lalruatkimi, IRS, Commissioner & Secretary, School Education Department-in  a hmanpui.

Khuallian Pi Esther Lalruatkimi chuan Faina Beihpui thlak chhungin damchhunga vawn tur zir chhuah ngei a beisei thu sawiin Faina tih hian taksa  ringawt ni lo, rilru leh thlarau lama thianghlimna thleng a huam tel a, chuvang chuan zirlai leh thalaiten taksa vawng thianghlimin taksa chhutrantir(Tattoo) te, zuk leh hmuam, damdawi hmansual leh mipat hmeichhiatna hman khawlohna lakahte inthiarfihlima a tul thu khuallian Pi Esther Lalruatkimi chuan sawiin, heng thil tha lo hrang hrang te hi hmalam hun tihthimtu a ni  tih hriaa taksa, rilru leh thlarau lama thianghlimna ngai pawimawh turin zirlaite a chah a ni.

He programmme Pu K. Lalthawmmawia, IAS, Director, School Education Department kaihhruaiah hian School 4- Government Mizo High School, Government Mizo Higher Secondary School, Home Mission School leh Pioneer Missionary School zirlaite leh zirtirtute an tel a, heng School 4-a Principal leh Headmaster ten ‘Faina Beihpui thlakna’ an kalpui dan kimchang report an pe a, Chairman Pu K. Lalthawmmawia, IAS, Director, School Education kaihhruainain ‘Inah leh khawtlangah leh School-ah kan fai reng tawh dawn’ tiin zirlai sangkhat chuangin thu an tiam a ni.