Vawiin chawhma dar 11 : 00 AM hian DC’s Conference Hall, Aizawl-ah Aizawl District chhung thingtlang khuate tana faina kawnga hmalatu, Swachh Bharat Mission(Gramin) ten meeting pawimawh tak an nei a, meeting hi Pu Lalchungnunga, Addl. D.C, Aizawl in a kaihruai.
He meeting-ah hian Er.Lalsanga, E.E, PHED, Member Secretary ni bawk chuan Swachh Bharat Mission (Gramin) Aizawl District-in he mission kalphung leh hmachhawp mek te, hemi atana sum leh pai ruahman dante chipchiar takin reports a pe a. Agenda chhawpchhuahte tarlangin sawihona neihzui nghal a ni bawk.
Meeting chuan he National-wide-Sanitation/Cleanliness Campaign, 25th September, 2015 atnaga 31st October, 2015 thlenga neih tura ruahman hawnna chu UD & PA Department-in Dt.2nd October, 2015 (Zirtawpni) a Faina Hapta a hawnna nen a ruala hman ve mai nise tih a rel a. Melriat khuaa Community Sanitation Complex (CSC) buatsaih mek chu khawtlang hruaitute remtihna in Rs.3.81 lakhs senga siam remtih a ni bawk a. Hei bakah hian Aizawl District chhunga thingtlang khua 13 a Solid & Liquid Waste management (SLWM) kalpui tura thlante chu Committee chuan a pawmpui bawk.
He Mission kaihhruaina in a remtih angin hemi scheme hnuaia thawk tur District Coordinator leh Motivator Contract Basis a lak Committee chuan tha a ti a, State Level Committee-ah thlen nise tih te a rel bawk a ni.
Committee chuan 15th October, 2015 a International Hand Washing Day pawh hlawk taka hman nise, PHE Department leh Education Department ten inberawnin lo buatsaih se tih a ni bawk.
Faina beihpui thlak hun 25th September, 2015 atanga 31st October 2015 chhung hian thingtlang khaw hrang hrangah faina chungchang inzirtirna uar taka kalpui nise, PHE Department-in hma lo la se tih rel a ni bawk a ni.
Reports a tarlan anih angin Aizawl District huamchhung Swachh Bharat Mission (Gramin) hnuaiah BPL chhungkua inthiarna (Ekin) 16525 siam sak turah chhungkua 11955 siamsak ni tawhin APL chhungkua 3497 siam sak turah chhungkaw 3604 siamsak a ni tawh bawk a ni.
Meeting-ah hian Pu C.L Ruala, MP ( Lok Sabha), Pu K.Sangthuama, MLA te bakah members engemaw zat an tel a ni.
