Kolasib District chhunga Ekin neilo emaw khawlaia daikal awmlohna atan hmalakna tur Swachh Mission (Gramin) Open Defecation Free (ODF) campaign chu vawiin khan Kolasib DC Office kawt atang Pu H. Lalengmawia, Deputy Commissioner, Kolasib chuan a vailiam.

Pu H. Lalengmawia chuan kumin December ral hma ngei a Open Defecation Free District a puan hman tum a nih thu a sawi.

Kolasib District-ah hian Rural khua 34 a awm a. Baseline Survey 2012-2013 a a landanin khaw 21 atangin Ekin neilo chhungkaw 641 hmuhchhuah a ni a. Heng khaw 21 atang hian khaw 14-ah Ekin 394 sak zawh tawh niin, khaw 7 ah Ekin 247 sak leh mek a ni. Ekin pakhat sak nan hian Rs.12,000/- zel hman a ni. Khaw 7 a Ekin 247 te hi December 2016 chhung hian sak zawh a nih hnuah chuan Kolasib District hi Khawlaia inthiar awmlohna District (ODF District) a puan beisei a ni. Tun dinhmunah Swachh Bharat Mission (Gramin)(SBM(G) hnuaiah Open Defecation Free(ODF) a in puang khaw 20 a awm tawh a ni.

Swachh Bharat Mission Team in siamin SBM(G) District Co-ordinator kaihhruaina leh TATA Trusts lamin SBM (G) pui tura a rawn dah te hnuaiah ODF campaign hi neih a ni a. Anni hian District chhung fehchhuakin thianghlimna kawngah zirtirna leh Ekin neih leh inthiarna mumal neih pawimawh zia an zirtir dawn a ni.