Special Summary Revision of Electoral Rolls lo awm leh tur atana inbuatsaihna kal zelah Kolasib District Level Standing Committee te chu District Election Officer, Pu H.Lalengmawia,  hovin DC Conference Hall, Kolasib-ah vawiin khan an thukhawm.

Pu H. Lalengmawia chuan Democracy rama awm kan nih avangin Electoral Roll a awm a, vote thlak thei kan nih hi a pawimawh a ni tiin, vote nei thei kum tling tawh te Electoral Roll a awm ngei hi Special Summary Revision of Electoral Roll-in a tum a ni, a ti.

Vawiin meeting-ah hian Kolasib (ST) Constituency hnuaia Polling Station pahnih Venglai-I voter 1317 awmna leh Saidan/Tuithaveng voter 1148 awmna te chu voter an tam deuh avang leh Saidan/Tuithaveng PS chu panna kawng a karkip deuh avangin Polling station siam belh tura rawtna thlen ni se tiin an rel a ni.