DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/lawngtlaiah-swachh-vidyalaya-puraskar-2016-atan-district-level-committee-thu-khawm-p

LAWNGTLAIAH SWACHH VIDYALAYA PURASKAR 2016 ATAN DISTRICT LEVEL COMMITTEE THU KHAWM

Vawiin (02.09.2016) chawhma dar 11 khan Lawngtlai District Level Committee on Swachh Vidyalaya Puraskar 2016 chu an Chairman, Lawngtlai DC Dr A. Muthamma hovin a office chamber-ah an thu khawm.

Committee chuan faina leh thianghlimna kawnga invawng tha sikulte tana buatsaih Swachh Vidyalya Puraskar 2016 chungchang an sawi ho va. Lawngtlai District chhunga award dawng thei tur sikul thlan chhuahte a hmuna kal chilha zir chiang turin ni 5.9.2016 (thawhtanni) hian District Level Verification Team kal chhuak se, tih niin, hemi report atang hian award dawng turte chu nemngheh leh tura tih a ni.

District Level Verification Team hian an sikul tlawhte chuan tui thianghlim hnianghnarin an nei em tih te, inthiarna tha an nei em tih te, sahbawn nen kut an sil fai thin em tih te, sikul an enkawlna that leh that loh leh faina kawnga naupangte rilru an kaihhruai that leh that loh te an en fiah dawn a ni.