Vawiin khan Pu Lal Thanzara Minister, Health & Family Welfare Department hmalaknain Joint V.C Mamit leh Health Department Mamit tangkawpin Gov't Middle School 1 Mamit-ah a thlawna inentirna neih a ni.

Special Clinic neih hma hian Non Communicable Diseases (NCD) Awareness Campaign neih a ni a. Dr.Eric Zomawia, NCD Nodal Officer chuan NCD thil tum sawifiahna neiin Mizoram chu Cancer, Diabetes, Stroke vei tamna ram kan nih avangin Mizote ei leh in chungchanga kan fimkhur a tulzia uar takin a sawi.

Special Clinic nei tur hian Doctor 5, Aizawl lam atanga lo kalin Mamit Doctor 3 nen Doctor 8 he Special Clinic-ah hian an thu a. BP & Blood Sugar Beng ri hriatna that leh that loh test Bawk test (FNAC) Chhul hmawr test (Pap Smear) Physiotherapy Diet Counselling te neih a ni.

He Special Clinic-ah hian inentirte tan damdawi a thlawna sem a ni a. Heng damdawi man te hi Mamit Bialtu MLA Pu John Rotluangliana'n a tum a ni.

He hun hi Mamit khawtlang mipuite'n an hlut hle a. Inentir hming ziak zawng zawng pawh 800 an tling a ni.

He Programme ah hian Dr.P.C Lalliannghaka, DMS, Mamit chu Chairman niin Pu P.Lalthara Joint V.C Chairman chuan lawmthusawina a nei a ni.