Vawiin chawhma khan Swachh Bharat Mission (Gramin),Rural Watsan Division, PHED, Lunglei buatsaihin Convention Centre, Lunglei ah Swachh Prerak Day 2019 leh Swachh Bharat Mission Award Lunglei District semna hun hman ani. Pi K. Lalrinzuali, Deputy Commissioner leh Chairman, District Water Sanitation Committee , Lunglei nibawk chu khuallian niin Er. Ngentluanga,SE, PHED, Lunglei Circle leh Vice Chairman District Water Sanitation Committee nibawk chu khualzahawm ani.

He hun  hi Er. Laltlanchhunga, EE, Rural Watsan Division leh Secretary, District Water Sanitation Committee, Lunglei nibawk in kaihruaiin khuallian Pi K. Lalrinzuali chuan faina leh thianghlimna hi chhungkua, khawtlang leh ram in a mamawh ani a, thianghlimna, faina leh hriselna inzirtirna ah naupang aiin puitling hi kan fimkhur lo zawk a khawlai ah meizial bung leh bawlhlawh paih mai ching kan la tam hle ani. Swachh Prerak Day 2019 atang hian thianghlim leh zualnan tan la theuh turin a chah ani. Lunglei District hi ODF ah puan nimahse kan la fai tawklo lo hle a, tan lak a la ngai hle ani ati. Sorkar hmalakna hi thupek ah ngai lovin hmasawnnan leh kan him zawknan hmang theuh turin a duh a, kut silfai uar theuh turin a chah a, hei hian natna tam tak lakah kan pumpelh theih ani ati. Faina kawnga rimtaka thawk tu PHED a thawktu SDO leh JE te lawmman an dawn avangin lawmthu a sawi a, khawfai lawmman dawngtu te a lawmpui thu a sawi bawk.

Khualzahawm Er. Ngentluanga, SE, Lunglei Circle pawhin thusawiin Lunglei District chhungah abik takin thingtlang ah SBM(G) vangin hmasawnna tam tak hmuh tur a awm a, faina hi kan duhthlanna ani a, miram an fai theih chuan kan fai ve thei ani ati. Bawlhlawh hi a paina tur diktak bawlhlawh bawm ah paih ila, faina hi i nunpui ang u a ti bawk.

Vawiin a Lunglei District chhunga khawfai ber lawmman dawngtu te chu 1) Haulawng, Citation leh Rs 15,000/- 2) Rawpui, Citation leh Rs 10,000/- 3) Thenhlum, Citation leh Rs 5,000/- bakah consolation price Tuipui D, Mamte, Tawpui N II, Thualthu leh Bualte hnenan Citation leh Rs 2,000/- theuh khuallian in a hlan ani. Watsan Committee hnathawk tha 10 te hnenan citation leh Rs 10,000/- theuh pek an ni bawk.

Swachhagrahi ti tha zual leh field a thawk SDO leh JE te hnenah khualzahawmin citation leh pawisa fai hlanna a nei ani.