Sorkar laipuia Ministry of Urban Development in India ram Khawpui 500, mihring nuai 1 chin chenna te tan faina kawnga kum 2017 chhunga inelna a buatsaih - Swachh Survekshan 2017 chu vawiin khan Delhi-ah Urban Development Minister Pu Venkaiah Naidu chuan kumin atan India ram pumah video conference hmangin a hawng a; he hun hi heng khawpui 500 thlanchhuahte hian Video-conferencing kaltlangain lo hmanpui ve in, Aizawl ah pawh NIC Video Conferencing Hall-ah DC, AMC Mayor, Councillor leh officials dangte, UD&PA Department Officers leh Police hotuten an lo hmanpui ve a ni.

Swachh Survekshan, 2017 kick-off programme-ah hian Union Minister chuan Swachh Survekshan Guide Book leh inelna a tehfung chi hrang hrang leh “Swachhata App” – smart phone application pakhat, faina kawnga hmasawnna atan mipuiin an hman tangkai theih tur te a tlangzarh nghal a. Programme zawh ah hian Aizawl DC Pu Kannan Gopinathan kaihhruaina in Workshop neih chhunzawm a ni. Presentation hrang hrang ngaihthlak anih hnu ah Aizawl khawpui chu faina leh thianghlimna lama tun ai a hma a sawn chak theih dan tur chipchiar taka sawiho nghal a ni.

Swachh Survekshan hi Sorkar laipuiim khawpui lian leh te, Swachh Bharat Mission (Urban) kalpuinaah faina leh thianghlimna kawnga an chak zawk leh tha zawka hma an sawn theih nana buatsaih a ni a. 2016 ah khan he inelna atan India ram khawpui 73 thlanchhuah zingah Aizawl chu 41-na niin, score hmu tha ber chu Mysuru a ni.

Attachment

  • Loading attachment...