Vawiin chhun dar 12 : 00 khan Mamit DC Conference Hall ah Ruihhlo Do Kickoff programme neih a ni.

He hunah hian Pu H.Lianzela, Addl. DC, Mamit, Pu Lalnunmawia, S.P, Mamit, Pu H.Lalthianghlima, Supdt. Excise & Narcotics, Mamit leh Pu Zatluanga Sailo, President, Sub-Hqrs. YMA, Mamit ten thu an sawi a ni.

Thu sawiin Pu H.Lianzela, Addl. D.C chuan ruihhlo zuar leh ti te man mai hi a tawk lova, 'Supply reduction' lama tan lak a tul thu sawiin Kickoff hun hi a nei nghal a ni.

He hunah hian Joint Resolution siam niin Addl. D.C Mamit, S.P Mamit, Superitendent Excise & Narcotics, Mamit leh President Sub - Hqrs. YMA, Mamit ten hming an sign a ni.

He hun hi Pi H.Lalchhandami, SDO(S)Mamit in kaihruaiin, Pu Lalsawma, Jt. Director, Food & Drugs, Directorate of Health Services chuan a hmanpui bawk a, Programme zawh hian a hovin mamit khaw chhunga damdawi dawr endikna hun an nei nghal bawk a ni.