India rama hna sang ber ber All India Services leh Central Services hrang hrang lakna tur Union Public Service Commission (UPSC) buatsaih Civil Services (Preliminary) Examination, 2016 chu vawiin 7th August, 2016 hian India ram hmun dang rualin Aizawl Centre ah pawh neih a ni a, Government Mizo Higher Secondary School leh Government Mizo High School ah te exam hi buatsaih a ni.
He Preliminary examination ah hian Aizawl Centre ah candidate inziaklut 769 awmin chung zinga candidate 356 te chuan exam an hmachhawn a.
Examination Observer Pu Benjamina, IDAS, Commissioner & Secretary, Excise & Narcotics Department in nilengin examination hi a vil reng a, UPSC atanga lokal Inspecting Officer Pu S.K. Biswas, Under Secretary pawhin Aizawl ah a thutchilh bawk.
Civil Services (Preliminary) Examination, 2016 hi India ram pumah exam bei tura inziaklut mi nuai 11.36 an awm a, Centre 72 ah examination hi buatsaih niin sub-centre 2655 a awm bawk.
