Vawiin khan D.C Conference Hall, Mamit-ah Pi Lalbiaksangi, District Bawrhsap hovin Mamit khawpui chhunga Swachh Survekshan, 2018 hnuaia hmalakna tur hrang hrangte ngaihtuaha thutkhawm a ni.

Meeting kaihruaitu Pi Lalbiaksangi, District Bawrhsap chuan Mamit khawpuiin faina kawngah hma kan sawn zel a, faina chungchanga hmala turin Sawrkar Department pakhat tih mai theih a ni lova, khawtlang hruaitu, tlawmngai pawl leh mimal tinte thawhhona leh tanrualna a ngaihthu a sawi.

Pu H.D Lalpekmawia, District Urban Development Officer, Mamit chuan India ramin faina kawngah hma nasa takin a la mek zel a, khawpui fai inelna turah hian Mamit khawpui pawh hma nasa taka lak chhohzel tum a ni a ti. Swachh Survekshan 2018 hnuaia hmalakna tur hrang hrang te a tarlang a, heng hmalakna hrang hrangte a hlawhtlinna tur leh huam zau zawka hmalakna turte meetingah hian sawi zui a ni.

Action Plan for Swachh Survekshan, 2018 hnuaiah hian hmalakna tura hmachhawp hrang hrang chi 22 bakah Mamit khawpui chhunga Office leh a Compound fai inelna leh Village council parukte chu an vengchhung theuhvah chhungkaw faiber pakhat theuh thlanchhuah ni se tih a ni bawk.

Meeting-ah hian Sawrkar department aiawh leh tlawmngai pawl aiawh hrang hrangte an tel a ni.