No.4312/2021-2022

Aizawl, the 17th March, 2022: India rampum huapa khawpui fai inelna Swachh Survekshan 2022, March thla chhunga kalpui mek denchhenin vawiin khan UD&PA Department Champhai hnuaia thawktute chuan faina hnatlang an nei a, Aizawl Road leh Khankawn World Bank Road kawngpui sir te thianfaiin bawlhlawh an chhar khawm a ni.

District Urban Development Officer (DUDO) Champhai Pi R. Lalnunkimi chuan mi thenkhatin an inchhungkhur bawlhhlawhte kawngpui sira an paih leh mai thin chu pawi a tih thu sawiin, Champhai khawpui a lo fai leh thianghlim zel a, a chhunga cheng mipui ten hriselna kawng an zawh zel theihna tura tanlak puiah khawtlang mipuite a sawm a. Bawlhhlawh paihna tur nilo kawngpui sir leh duh duhna laia bawlhhlawh paih mai zel thin lo turin mipuite a ngen nghal a ni.

Vawiin faina hnatlangah hian UD&PA Department hnuaia thawktu mi 25 an thawk chhuak thei a, Department kaltlang hian a remchan dan ang zelin faina hnatlang neih thin a ni.