2068/2024-2025

Dated: Mamit the 14th of September, 2024 : Swachhata Hi Seva 2024 hi India ram pumpui faina beihpui thlakna campaign pawimawh tak a ni a, Swachh Bharat Diwas denchhenin kum 2017 atang khan Sawrkar laipui kaihruaiana hnuaiah he campaign hi hman tan a ni a, State tinah pawh theihtawp chhuaha kum tin hma lo lak thin a ni. Keini Mamit District pawhin faina kawnga hmasawnna kan neihna turin theihtawp a kalpui tum niin, hemi atan hian Nodal Officer pahnih Urban leh Rural-ah inruat an ni a, hetiangin :- Pi Helen Saibuangpuii, Sr.EE, PHED, Mamit.- Nodal Officer (RURAL) Pi Mary L. Rodinpuii, DUDO, Mamit–Nodal Officer (URBAN) te an ni.

Faina beihpui thlakna atan hian State Sawrkarin ruahmanna a siam tawh angin 17th September,2024 - 2nd October, 2024 chhunga campaign hi kalpui tur a ni a. Hemi hun chhung hian Department hotute, Sub-Division, Block Level leh Village Council tin te'n kan area theuhah uar zawka kalpui tura ngen kan ni. He campaign in a tum ber chu kan nitin nunah, kan hnathawnna hmunah te, zirna inah te leh vantlang nun honaah fai duhna thinlung kan neih theihna tura inzirtir a ni. He campaign chhunga kan hmalakna hrang hrang te hi document a ngaih avangin hmalakna kan neih apiang te uluk taka thlalak emaw video emaw lo neih zel theih ni se. Tin, kan hmalakna te hi social media platform hrang hrangah zau taka thehdarh tur a ni a.Portal a dah a ngaih avangin Nodal Officer-te nena thawhhona tha kan neih a tul a, hmalakna te Nodal Officer te hnenah thehlut thin turin kan in ngen a ni.

Faina hi changkanna atana kailawn pawimawh tak a nih avangin mitin te'n kan tih theih leh kan mawhphurhna a nih angin mimal, chhungkua, veng/khawtinte theihtawp chhuaha hmala turin kan insawm a. Kan bawlhhlawhte a paihna tur lo a kan paih hian kan ram leilung thlengin nghawng pawi tak a nei thei a, bawlhhlawh kan paih turah tawih thei leh thei lo thliar fel a pawimawh hle bawk. Hapta hman chhung hian Department tinte leh khawtlang hruaitute pawhin uluk leh zual a mipuite zirtir leh kawhhmuh a tul a ni. Mamit District-in Mizoram huapa inelnaah pawh lawmman hial kan lo lak ve tawhna -Faina Beihpui thlaknaah hian mipui tinte tan la thar turin kan insawm a. Inelna piahlamah faina pawimawhna leh tangkaina hre chunga ke pen theuh turin kan in ngen a ni. He campaign hlawhtling taka kalpui a nih theih nan kan zavaia neitu thinglung pu a thawhho puiah District mipuite sawm kan ni.