2067/2024-2025
Aizawl, the 13th September 2024: Mizoram Police Media Cell, Police Headquarters, Aizawl chuan tunhnaia Mahindra Thar pathum lei chungchangah hetiang hian thuchhuah an siam.

1. Chief Minister hi Government of India Table of Precedence-ah 7-naah awmin 2+ category security pek a ni a. A chhuahvah hian a hma lamah Pilot car-in hma a hruai a, a hnungah Escort motor leh Tail car-in a zui tur a ni. Chumi atana lirthei hman thin te chu Chief Minister motor kawl ni lovin, Police Department-in Security atanga pek a ni a. State danga an zin pawhin Chief Minister-te hi security pek an ni.

2. Mizoram Chief Minister pilot motor pahnih hi Gypsy an ni a; Escort motor hi Bolero niin Tail car ah pawh Gypsy bawk hman thin a ni. Heng lirtheite hi an upa ve tawh hle a, long run nana hman nasat tawh an nih avangin an tawng tawh hle. Tun hnaia Chief Minister zinnaah tum thum ngawt an chhe tawh a, tum khat phei chu Escort motor hi Aizawlah hnuh haw a ngai hial a, a thlaktu tur motor dang ngaihtuah ngai khawpin a awm tawh a ni. Security motor a chhiat hian Chief Minister hi security mumal nei lovin a kal ta thin a. Hei hi Police Department lam chuan a ngai thutak hle. Tum thum lai a chhiat tawh avang leh Gypsy-te hi company lamin an siam chhuah tawh loh, AntiLock Braking System (ABS) nei lo, Power Steering ni bawk si lo an nih avangin a rang thei ang bera thlak ngai a ni a, Mizoram leilung ngaihtuahin 4WD thova thlak a ngaih avangin Mahindra Thar hi lei a ni ta a ni.

3. Z+ category security pek ngei ngai a nihna te, chu mi atana lirthei hman mek an lo upat tawh bawk si avang te, a him tawk tawh loh vang tein Police Department chuan hun rei tak hman zui zel theih tur, a khalhtu leh lirtheia chuang (security officers) te tan pawha him tha ngei chu a lei ta a ni. Heng motor tharte hi Mizoram Police Department in CM Security (Police duty) te hman atana lei a ni a, CM hman tura lei a ni lo.

Attachment

  • Loading attachment...