2241/2024-2025

26th September, 2024 : Kum 2017 atanga kalpui tan tawh kar hnih chhung faina beihpui thlakna Swachhata Hi Seva Campaign hmalakna chu Mizoram pum huapin kalpui mek zel a ni a, kar kalta ni 17^th September, 2024 khan Home Minister leh UD&PA Minister ni bawk, Pu K. Sapdanga hovin Mizoram chhunga kalpui turin a khuhhawnna MYC Hall, MINECO-ah neih a ni a, ni 24^th September, 2024 thleng khan Swachh Bharat Mission (Grameen) hnuaia thingtlang hmun hrang hranga hmalakna kalpui mekah activity hrang hrang 580 neih tawh a ni a, heng zingah hian hnatlang, inzirtirna, thingphun, faina thutiam lak, kawngzawh, intihsiakna leh sanitation worker-te tana hmathatna siam sak hmangtein hun hman mek a ni. 

Thingphun belh chhinchhiah tawh zingah ni 24^th September, 2024 thleng khan Ek Pad Maa Ke Naam, nute hminga thingphun pualah thingtiak 710 phun belh tawh niin, mahni khaw chhunga hmun chhengchhe lai, bawlhhlawh paih thlahdahna hmun (Cleanliness Target Unit) thenfai pawh tunah hian kalpui mek niin, khualzin leh vengchhung miten bawlhhlawh an paih thlahdah tawh lohna turin he hmalakna hi kalpui a ni.

Swachh Bharat Mission Mizoram thingtlang lama kalpuitu PHE Department chuan he faina beihpui thlakna kawnga pawl hrang hrang (Village WATSAN Committee, YMA, MUP leh Naupang Fai Duh Pawl) bakah mipuite thlawpna an dawn that vangin lawmthu a sawi a, chutih rual chuan kan hmalamah kar khat chhung hun a la awm vangin hmalakna kawngah tan la zual leh deuh deuh turin mipuite a chah a ni. Hun ruat danin he campaign hian October ni 1 thleng a awh ang a, ni 2 hian hnampa Mahatma Gandhi pianchamphaphak a nih bakah Swachh Bharat Mission kalpui a nih kum 10-na chiah a ni vangin Swachh Bharat Ni hmanga hun hman tura ruat niin, Mizoram chhungah pawh he ni pual hian Swachh Bharat mission (Urban) kalpuitu UD&PA Department lam nen Mizoram chhung thingtlang leh khawpui hrang hrangah hman dan tura ruahmanna siam dun a ni.

Kum 2017 atanga kalpui tan tawh kar hnih chhung faina beihpui thlakna Swachhata Hi Seva Campaign hmalakna chu Mizoram pum huapin kalpui mek zel a ni a, kar kalta ni 17^th September 2024 khan Home Minister leh UD&PA Minister ni bawk, Pu K. Sapdanga hovin Mizoram chhunga kalpui turin a khuahhawnna MYC Hall, MINECO-ah neih a ni a, ni 24^th September, 2024 thleng khan Swachh Bharat Mission (Grameen) hnuaia thingtlang hmun hrang hranga hmalakna kalpui mekah activity hrang hrang 580 neih tawh a ni a, heng zingah hian hnatlang, inzirtirna, thingphun, faina thutiam lak, kawngzawh, intihsiakna leh sanitation worker-te tana hmathatna siam sak hmangtein hun hman mek a ni. Thingphun belh chhinchhiah tawh zingah ni 24^th September, 2024 thleng khan Ek Pad Maa Ke Naam, nute hminga thingphun pualah thingtiak 710 phun belh tawh niin, mahni khaw chhunga hmun chhengchhe lai, bawlhhlawh paih thlahdahna hmun (Cleanliness Target Unit) thenfai pawh tunah hian kalpui mek niin, khualzin leh vengchhung miten bawlhhlawh an paih thlahdah tawh lohna turin he hmalakna hi kalpui a ni.

Swachh Bharat Mission Mizoram thingtlang lama kalpuitu PHE Department chuan he faina beihpui thlakna kawnga pawl hrang hrang (Village WATSAN Committee, YMA, MUP leh Naupang Fai Duh Pawl) bakah mipuite thlawpna an dawn that vangin lawmthu a sawi a, chutih rual chuan kan hmalamah kar khat chhung hun a la awm vangin hmalakna kawngah tan la zual leh deuh deuh turin mipuite a chah a ni. Hun ruat danin he campaign hian October ni 1 thleng a awh ang a, ni 2 hian hnampa Mahatma Gandhi pianchamphaphak a nih bakah Swachh Bharat Mission kalpui a nih kum 10-na chiah a ni vangin Swachh Bharat Ni hmanga hun hman tura ruat niin, Mizoram chhungah pawh he ni pual hian Swachh Bharat mission (Urban) kalpuitu UD&PA Department lam nen Mizoram chhung thingtlang leh khawpui hrang hrangah hman dan tura ruahmanna siam dun a ni.