2251/2024-2025

Date 27th September, 2024 : Swachhata Hi Seva 2024 fortnight neih mekah office leh zirna in hrang hrangah Faina hnatlang neih mek a ni a. Vawiin khan Directorate of Sports & Youth Services-a Officers leh Staff te pawhin Swachhata Hi Seva 2024 pual hian an office compound sam fai leh office tihfai hnatlang an nei.

Hantlang tan hma in Directorate Conference Hall-ah SYS Director Pu H. Lalhmingthanga hovin inkhawm tawi an nei a. Swachhata Hi Seva 2024 awmzia leh thil tumte sawiin, Central sorkarin a ngaihpawimawh angin Mizoram sorkar pawhin faina leh thianghlimna hi a ngai pawimawh a. Mi mal, chhungkua, khawtlang, ram leh office-ah te faina ngaihpawimawh a, inzirtir uar sauh sauh a ṭul thu a sawi a. Faina leh thianghlimna chu mi tinin ṭan kan lak a, kan tihhlawhtlin theih a ni a, mi mal leh pawl eng emaw tih bik tura ngaih loh tur a ni a ti a. Mizoram pawn atanga khualzin Mizoram rawn tlawhtute hnenah entawn tur kan lo lantir theih chu faina leh thianghlim hi a ni a ti.
Sports & Youth Services officers leh staff hnatlangte hian an office ram chhunga hnimte sâm faiin, office chhung leh building an tifai bawk a ni.

Attachment

  • Loading attachment...