1703/2025-2026 

Dated Kolasib ,October 2, 2025 :  Vawiin khan Urban Development & Poverty Alleviation (UD&PA) Department, Kolasib chuan Kolasib Conference Hall-UD&PA Hall-ah "Swachhata Hi Seva" puala hun dangdai tak, Bawlhhlawh hmanga thil siam chuuah  Fashion Show (Waste-to-Art Fashion Show) leh Pradhan Mantri Awas Yojana (PMAY) Mela a buatsaih.

He hun hi Pu Robert C. Lalhmangaiha, Kolasib Deputy Commissioner chuan Khuallian niin a hmanpui a, Pi Josephine Zonunsangi, District Urban Development Officer (DUDO), Kolasib chuan a kaihruai.He hunah hian District chhunga Faina Thawktu Ṭha Ber (Best Sanitation Worker) leh Best Sweeper te chawimawina hlan  an ni a, PMAY Urban 2.0 puala quiz buatsaih a ni bawk

Khuallian, Pu Robert C. Lalhmangaiha chuan thu sawiin, tunlai khawvelah bawlhhlawh  te pawh thil ṭangkai leh hlu taka chantir theih a ni tiin, vawiina an hun buatsaih chu fai chungchanga inzirtirna zau zel theihna atana kawng thar dangdai leh ṭha tak a ni tih a sawi a. Kolasib chu khawpui fai leh mawi taka siam turin mi tinte ṭan la sauh sauh turin a chah a , sawrkar, tlawmngai pawl, leh Village Council-te thawhhona a pawimawhzia a sawi lang bawk.

Bawrhsap chuan Swachhata Hi Seva chu 'rawngbawlna' a ni, tiin, hemi puala campaign chu Kolasib District-ah chhunzawm zel a ni dawn tih a sawi bawk.

Vawiina Fashion show dangdai tak hi UD&PA Department leh August 19 Fashion  School-te ṭang dun buatsaih a ni a, bawlhhlawh aṭanga siam thawmhnaw leh incheina chi hrang hrang an pho lan te hi UD&PA Solid Waste Management Centre atanga bawlhhlawh an an lakkhawm atanga an siamchhuah te an ni