No.81-2019-2020

Vawiin chawhnu khan Social Welfare Minister Dr.K. Beichhua chuan a Pisa, MINECO-ah SWD hotute meeting a neih pui a. He hunah hian Covid 19 avanga National Lockdown hman mek chhunga Social Welfare Deptt kal dan tur te, hma a lak mek leh hmalak zel dan tur te sawiho a ni.

He hun kaihruaitu Social Welfare Minister chuan thawktute an inrin reng a tul thu leh tan mar pat reng a ngaih thu a sawi in Chief Minister leh State sawrkar thuneitute leh District Administration ten an lo puihna ah lawmthu a sawi a ni.

Meeting-ah hian Social Welfare enkawl Old Age Home, De-Addiction Centre, Rehabillitation Home leh Anganwadi Centre te chu central Sawrkar leh Supreme Court duhdan a enkawl anih thu ngaihthlak a ni a. Thawktute leh Inmates leh beneficiary te an him thu pawh ngaihthlak niin mamawh leh ICDS project te tan nutrition chungchangah harsatna a awmloh thu dawn a ni a. State chhungah sem mek anih thu sawilan ani. One Stop Centre District tina mi te pawh darkar 24 chhung kartluana balhhlah awmloin kalpui a nih thu tarlan a ni bawk a ni.

SWD Meeting-ah hian Social Welfare Department a thawktute Ni 1 hlawh tlingkhawm Rs. 9,89,613/- chu Chief Minister's Relief fund atana thehluh tura ruahman chu SWD Department hotuten chuan SWD Minister hnenah an hlan nghal bawk a ni.