1721/2023-2024

Aizawl, the 31st August 2023: Vawiin chawhma khan Aizawl District Sports Committee chuan Directorate of Sports & Youth Services Conference Hall-ah General Assembly & Distribution for Promotion Fund hun hman an hmang a. He hunah hian Er.Lalrinawma, Minister, Social welfare & tribal Affairs, Excise & Narcotic,etc chu Khuallian niin Pi Nazuk Kumar,Deputy Commissioner Aizawl District & Chairman Aizawl District Sports Committee chu khualzahawm a ni thung.

Aizawl District Sports Committee hotute chu Thalai infiamna hmanga hmasawnna tur theihtawp chhuah a hmala turin SWD Minister a fuih a. Tunah hian Sports hi Sumdawnna Lian tak, eizawnna a tling tih a takin kan hmu a, infiammite hmasawnna tur ngaihtuah leh talent nei tha te chher heiham hi sawrkarin a thil ngaih pawimawh te zinga mi a ni tawh a ni a ti. Er Lalrinawma chuan Sports tihhmasawnna atan sawrkarin khelmual leh hmunhma tha te a chhawp mawlh mawl tawh rualin a hlawhtlinna chu infiammite inpekna leh tumruhnaah a innghat tih a sawi a. Talent nei tha mahni inthununna nei tha lo tan hlawhtlin a harsat rualin mi tumruh leh mahni inveng chu an hlawhtling thin tih a chiang tih a sawi.

He hun hi Pu Ngurhmingliana, Senior Vice President in a kaihruai a. He hunah hian Aizawl District Sports Committe hmalakna leh kalpui dan chungchangah Report, Pu Lalngilneia Colney, Member Secretary & District Sports & Youth Officer chuan pe a ni.

Promotional Fund hi Aizawl District Sports a in register te hnenah sem a ni a.  Kumin October /November-2023 hian District sports nei turin hmalak mek a ni bawk.