Nimin ni 19.10.2009 khan District Administrator leh Health & Family Welfare Department Mamit tangkawp buatsaihin Swine Flu Awareness Campaign, Chhim Veng YMA Hall, Mamit-ah buatsaih a ni a. He campaign, Pu Lalhmunsanga Hnamte, SDO (Sadar) kaihhruaiah hian Dr. Chawngthansiami, Chief Medical Officer, Mamit leh Dr. K.Lalremruati, Medicine Specialist, Mamit te chuan Swine Flu awmzia sawifiahna leh he hrileng lak atanga mipuite kan lo him zawk theih dan turte chipchiar takin mipuite zirtirna an pe a ni.

He inhmuhkhawm hunah hian mipuite’n he hrileng laka kan fihlim theihna tur rawtna an neih te sawina leh an thusawi atanga an hriatthiam loh laite zawhna hun buatsaihin Doctor thiamte hian an zawhna te chu an hrilhfiah nghal a ni.

He Swine Flu Awareness Campaign ah hian Mamit khawpui chhunga sawrkar hnathawk te, khawtlang nu leh  pate leh sikul naupang thahnem tak an tel a ni.