Food Civil Supply & Consumer Affairs Minister Pu H.Rohluna hoin vawiin khan Secretariat Conference Hall-ah Mizoram a Cement leh Rod quality chungchang leh a man chungchang ngaihtuahin an thu khawm.

Food Civil Supply & Consumer Affairs  Secretary leh Director ni bawk Pu K.Riachho an Committee a kaihruai a, Minister Pu H.Rohluna chuan thu kamkeuna sawiin Mizoram ah Cement leh Rod te hi state pawnlam atang veka kan lak a ni a. Company hrang hrangte siam a ni a, a quality pawh in anglo tak tak te an ni a. Heng insakna leh thildanga kan hmanraw pawimawh tak tak te hi mamawhna avangin mipuiin a chhia leh tha pawh thliar hman lovin kan lei lothei lova. Chuvang chuan Sorkarin uluk taka en a him leh rintlak chauh hralh chhuah a nih theih nan Control turin State Level Coordination Committee hial a din a. A quality contral bakah a man uchuak lutuk a mipui tawrh theih tur laka chhiarte pawh veng tura din a ni a ti a. Member tinte pawh helama thurawn leh hawizau a ngaih thu a chah bawk.

Huam zau takin tunlaia Mizoram chhunga Cement lolut mekte leh a quality Legal Metrlogy leh PWD lamin an zir tawhna te thlirin an sawi hova. Tunlai hian Cement Company thar Mizoram chhungah a lo lut nual a; hengte hi zir chianna a alan danin a thente hi chu a Quality a chhe hle mai a. Mipuite fimkhur turin Committee chuan a ngen a. CNF Agent nilo a tang a Cement lo lutte hi zir chian nise an ti.

Vawiin hian Sub-Committee an din nghal a, an ni hian Cement Company te a ranglama lo ko a, a man chung changah awmze nei a bithliahte lo siam turin an ti.