2986/2022-2023

Aizawl 8th December 2022: Vawiin chawhma khan nikhat awh tur 'Symposium on Wildlife Crimes' - Ramsa humhalh te laka pawikhawihna chhui leh hmalak dan chungchang inzirtirna chu Mizoram State Legal Services Authority, Mizoram Police, Environmental Forest & Climate Change Department leh Custom Division, Aizawl tangkawp buatsaih chu Assembly Annex Conference Hall-ah neih a ni a. Hon'ble Justice Pu Michael Zothankhuma, Gauhati High Court leh Executive Chairman, Mizoram State Legal Services Authority ni bawk chu khuallian a ni.

Khuallian Justice Pu Michael Zothankhuma chuan thu sawiin dan lo a ramsa humhalh te hmundanga tawlh leh hralh an awm fo ta mai chu pawi a tih thu sawiin, rama nungcha sumdawnna kalpuite hremna leh sawrkar thu neitute pawn mawhphurhna an neih hrang hrangte vawiin symposium-ah  hian zir chiang turin a chah a. Dan pawimawh tak tak Wildlife (Protection) Act, 1972; Customs Act, 1962; CITES chungchang te bakah Indian Forest Act 1927 te chu bik taka zirchiang a, dan zawm lo tute chunga hmalakna te fiah taka hre tura chahin he hun hmang tura lokal zawng zawngte hnenah duhsakna a hlan a ni.

Symposium hawnnaah hian Pu R. Vanlalena, Member Secretary, Mizoram SLSA chuan kalkhawmte lawmna thu a sawi a. Pu RK Singh, PCCF pawhin thu tawi sawiin civil society te nena tan ho pawimawhna a sawi a. Pu Devesh Chandra Srivastav, DGP pawhin kalkhawmte lawmna thu sawi pahin nungcha hmanga sumdawngte chhuinan Wildlife Custom Forensic Unit din ni thei se, ramin a chhawr tangkai a rin thu a tarlang a. 

Justice Pi Marli Vankung pawhin thu sawiin kan ram a tualto flora leh fauna te kan ngaihthlut a pawimawh zia sawiin, kan chhehvela nungcha rem zelah hian mawhphurhna kan nei a ni tih hre thar leh turin kalkhawm te a chah a ni.

Symposium First Session hi Pu Joel Joseph Denga, Registrar Gauhati High Court, Aizawl Bench chuan a kai hruai a, Resource Person te- Pi Lalrammawii Sailo, Chief Wildlife Warden, Pu Agni Mitra, Regional Deputy Director, Pu Bibhab Kumar Talukdar, Chief Kumar Officer, Aaranyak leh Pu Joydeep Thakur, Assistant Editor, Hindustan Times, Kolkata te hnen atangin Exotic Wildlife chungchang a paper an buatsaih te zir hona neih a ni ang a, hemi hnu hian zawhnna leh chhana hun hman a ni bawk ang.