Mizoram State Council for Child Welfare (MSCCW) chuan naupang enkawl chungchangah a mawhphur hmasa bertu nu leh pa te an nih angin, inhrilh hriat thar leh nan ni khat awh Seminar on Child Care chu Synod Conference Centre-ah vawiin khan a buatsaih a. MSCCW Working President Pu J.C Japanruna chuan kaihruaiin, Seminar thupui a tan “Healthy Child, Happy Home” hman  a ni.

Seminar in a tum ber chu ram nghahfak naupangte chu ngaihsak leh ngaih pawimawh hmasak hi an chanvo a ni tih inzirtirna leh inhriattir thar leh a ni a. Research Person Dr. Aileen Lalrinpuii, Medical Director, Adventist Hospital leh Dr. Malsawma, DPH Chaltlang te paper, nuin naute a pai tan atanga naupang kum 14 a nih thleng enkawl dan zirho a ni a, naupang hmasawn chhoh dan tehna chi hrang hrang zirho a ni bawk a, chungte chu:
Ei leh in mumal ngaih pawimawh a tulna te, ei leh in tur kan hmuh phak chinte mumal leh inbuk tawk taka ei a thatna te.

1. Rilru hrisel leh nu leh pa bula seilen hlutna te.
2. Mit ven uluk leh hman dan tawk thiam.
3. Rihna ven that.
4. Chheh vel hrisel leh him pawimawhna te.
5. Kum mila rilru (psychology) enkawl leh ven that.
6. Taksa vawnfai leh inulukna te.
7. Infiamna leh insawizawh tulna leh thatna.
8. Hri danna (vaccine) bi kim lak tulna te.
9. Tisa leh thlarau lam nun kaihhruaina tha a pawimawhzia leh tulna te.

Seminar-ah hian Aizawl-a Headquarters nei Kohhran hrang hranga Central Hmeichhia te anmahni bial chhung theuh atangin leh Pavalai, MUP leh MHIP member te an tel  a, Pu Rosiamliana Ralte, MSCCW Vice President chuan lawmthu sawiin seminar hi a khar a ni.