Vawiin ni 17/3/2009 hian Health Directorate Conference Hall, Dinthar ah Ei leh in tur siam nana rawng hmandan ‘ Synthetic Food Colours’ chungchang zirhona neih aniin Vursiam, Thei deng, Bakery leh Lapawchini lama eizawngte kohkhawm anni a, he training hi Prevention of Food Adultation(PFA) Cell, Directorate of Health Services buatsaih ani.
He hun hi Dr.N.Pallai, Director of Health Services chuan kaihruaiin, tunlai kan boruak tawn mek nen pawh inmil hle a a hriat thu sawiin, khua te a lo thal a, tuilam ah harsatna kan tawh mek lai ani bawk nen, hetiang hun ah hian ei leh in siamtu te pawh fimkhur a tul thu sawiin mipuite hriselna ngaihtuah ranchunga an thil siam te siam tura a duh thu sawiin, mipuite pawn fimkhurna chang kan hriat a pawimawh thu leh tlang hrileng laka kan lo him zawk nan, kan tui in tur te pawh a thianghlim tawk em tih kan enfo a tul tak meuh a, kan thil ei tur te pawh Tho bawm mai mai theih ah dahloh hram tur a ni a ti bawk.
Pu Lalsawma Pachuau, Asst. Drugs Controller & Nodal Officer(PFA) in keynote address pe in PFA rules, 1955 Rule No.48-A ang chuan Rawng siamchawp ei leh in siamtu leh zuartu te reng reng chuan License an neih ngei ngei a ngaih thu sawiin an thil siam te a an rawng pawlh dan a zirin engtianga pawlh nge anih tih an tarlang ngei a tul thu a sawi bawk. Hetiang nilo danin a phal chin bak hman anih chuan kan hriselna atan a pawi theih hle thu sawiin vawi leh khatah lang nghal mai lo mahse heng zunkawng thalo te, cancer, mipa tan chi thlah theih lohna, thin thalo, zenna, thisen tlakchhamna, nau chhiatna, chawkawng thalo leh thluak lam buaina thlengin a thlen thei ani a ti. Chuvang chuan heng siamtu leh zuartu te chu fimkhur a, dan kan zawm that a pawimawh hle a ni ati bawk.
Kalkhawm te hi Mizorama Food Inspector kan neih chhun John Laldingliana leh Lalrinkimi ten Ei leh in thianghlim zawk a sawngbawl dan leh dan leh hrai te zirtirna an pe a, hlawk thlak leh zawngchhang thlak an ti hle a ni.
Pu Lalsawma Pachuau, Asst. Drugs Controller & Nodal Officer(PFA) in keynote address pe in PFA rules, 1955 Rule No.48-A ang chuan Rawng siamchawp ei leh in siamtu leh zuartu te reng reng chuan License an neih ngei ngei a ngaih thu sawiin an thil siam te a an rawng pawlh dan a zirin engtianga pawlh nge anih tih an tarlang ngei a tul thu a sawi bawk. Hetiang nilo danin a phal chin bak hman anih chuan kan hriselna atan a pawi theih hle thu sawiin vawi leh khatah lang nghal mai lo mahse heng zunkawng thalo te, cancer, mipa tan chi thlah theih lohna, thin thalo, zenna, thisen tlakchhamna, nau chhiatna, chawkawng thalo leh thluak lam buaina thlengin a thlen thei ani a ti. Chuvang chuan heng siamtu leh zuartu te chu fimkhur a, dan kan zawm that a pawimawh hle a ni ati bawk.
Kalkhawm te hi Mizorama Food Inspector kan neih chhun John Laldingliana leh Lalrinkimi ten Ei leh in thianghlim zawk a sawngbawl dan leh dan leh hrai te zirtirna an pe a, hlawk thlak leh zawngchhang thlak an ti hle a ni.
