Art & Culture Minister Pu P.C. Zoram Sangliana'n vawiin khan Kolasib District chhunga loneitute puala thlai chin dan kawng hrang hrang Training- Cum Crop Exhibition District Horticulture office, Kolasib buatsaih chu AMFU Hall Kolasib Project Veng-ah a hawng.

Hawnna thu sawiin Pu P.C.Zoram Sangliana chuan, Kolasib district hi kawng hrang hrngah in vannei hle a ni, a ti a.  Anthurium tharchhuah pawh a ram sik leh sa vangin a duah  nalh bik a. Anthurium tiak sem kawngah pawh a district anga Unit chang tam ber, unit 45 lai changtu  an ni, a ti. Sawrkar flagship programme NLUP chu kuthnathawktu miretheite mual eng hmuhtirna tur a ni, a ti a. Hei hi sorkar laipui pawhin min phurpui nasa in state dangte tana entawn tur khawpa tha a tih kan tum a ni, a ti.

Minister chuan  Kolasib District chhunga Loneitute chu NLUP trade uluk taka thlang a, eizawnna hlawhtling taka chantir ngei turin a chah a. NLUP chu Sekibuhchhuak, mahse tha sen ngai a ni, tiin taima taka thawk turin a chah a ni.

Training-cum Crop Exhibition hawnna inkhawm hi Dr.E.Saipari. Jt .Director,Horticulture in a kaihruai a. Pi Zosiamliani DHO Kolasib chuan hawnna hun hi lawmthu sawiin a khar a ni.

Vawiin veka training neih chhunzawmah subject hrang hrang thlan bikah Horticulture mithiam ten zirtirna an pe a. Pi M.Vanlalzami, HDO,Pi Lucy Zaithanpuii, HEO,Pu VL.Remruatpuia HEO leh mPu K.Lalengliana ten training hi an pe a ni.Naktukah hmeichhiate pualin ei siam dan leh thildang training neih leh a ni ang .Training ah hian Kolasib District hrang hrang farmer thlan bik 256 an tel a ni.

Pu P.C.Zoramsangliana chuan vawiin vek chawhnu lam khan Kolasib khaw chhunga sawrkar hmalakna a IHSDP hnuaia mi rethei in 205 sak mekte a hmunah a en kual a. Chhungkaw thenkhat in sakte chu an ti tha hlea a hriat thu a sawi a ni. Tukin khan Kolasib alo thlen veleh tun hnaia Kolasib Hmar Venga pitar bo hun engmaw chen an zawn hnua tukin zinga an hmuh leh tak chu Kolasib Civil Hospital ah a tlawh a. A inenkawlna tur sum Rs. 1000/- a pe a ni.