3766/2023-2024

Vawiin khan Sports & Youth Services Minister Pu Lalnghinglova Hmar leh Union Sports Minister Pu Anuraj Singh Thakur-te chu New Delhi-ah an inkawm.

Pu Lalnghinglova Hmar chuan Mizoramin sports lamah hma a sawn zel theihna tura pawimawh chu Aizawla SAI Centre hi Imphal-a North East Regional Centre ațanga Guwahati Regional Centre hnuaia dah a nih thu a sawi a. Union Minister chuan Aizawl SAI Centre chu Imphal hnuaia awm lovin Guwahati hnuaiah dah a nih tur thu a sawi.

Mizoram SYS Minister-in 'Khelo India' hnuaia sports infrastructure siamna atan Mizoramin tun hnai kum hnih chhungin project pakhat chiah a dawn avangin pek belh turin a ngen chu Pu Anurag Thakur chuan pek a nih tur thuin a chhang a. Pu Lalnghinglova Hmar chuan India-in kum 2036 Olympics thlen a tum chu lawmawm a tih thu a sawi rualin, a infrastructure siam ringawt a tawk lo a, tun ațanga infiammi inbuatsaih a țul thu leh a hmanhmawhthlak tawh thu a sawi chu Union Minister chuan țha a ti a. February 19-ah North East-a Sports Minister zawng zawng he mi kawnga inrawn khawmna buatsaih nghal a tum tur thu a sawi.

Union Sports Minister chuan Mizoram chu sports lama țan la zel turin a chah a, a thawk țhate tan chuan sorkar laipui a inhawn reng thu a sawi.