October ni 27 leh 28, 2016 khan Khuangleng Community Hall ah leh Vaphai Community Hall ah East Tuipui bialtu MLA Pu T.Sangkunga chuan a bial chhunga AH & Vety Department hnuaia hill cattle leh mithun trade thlangtu NLUP 3rd & 4th phase beneficiary te hnenah tanpuina second installment a sem.

Pu T. Sangkunga chuan fuihna thu sawiin NLUP dawngtute chu an pawisa dawnte a hmanna tur dik taka hmang ngei tur leh sawrkarin eizawnna ngialnghet an neih theihna tura hma a laksakna tihhlawhtlingtu ni theuh turin a chah a, a hmanna tur dik taka hmanglo chu pek chhunzawm tawh loh pawh nise a mawhphurtu an ni tih hre tur leh NLUP chu an tan a thatna tur ani tih hria a, theihtawp chhuah turin a chah a, NLUP an dawn chu malsawmna a chan tir a eizawnna bulfuk nei thei turin duhsakna a hlan bok a ni.

Khuangleng centre ah hian khaw 11 awmin, khuangleng, Bungzung, Vanzau, Leisenzo, Lianpui, Sesih, Buang, Sazep, Zawngtetui, Vangchhia leh Leithum atangin beneficiaries 127 an awma tanpuina hi Rs.46,35,500/- sem a ni a, Vaphai centre ah hian khua 7 awmin Vaphai, Samthang, Dungtlang, Khawbung, Farkawn, Khankawn leh Thekte atangin beneficiaries 80 an awm a, tanpuina hi Rs. 29,20,000/- sem a ni. Tanpuina sum hi ran, a pui leh note leina tur a ni.