No.1645/2021-2022

Aizawl 31st July 2021: Aizawl DC chuan Tachhip hmun thenkhat Micro Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl West in zirchianna leh a tul anga hma a lak hnuin, Tachhip hmun thenkhat chu Micro-Containment Zone/Area-a puan rawtna a rawn thlen a.

Chuvangin, Section-34(b)(c) of the Disaster Management Act, 2005 behchhanin hnuaia Tachhip hmun tarlan te hi ni 30.07.2021 (Zirtawpni) Tlai dar 5:00 atangin Micro-Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

TACHHIP Micro-Containment Zone/Area:

“Sevenphul Area: Pu Sangliana Ngente in atangin Pu V. Lalduhzuala Sevenphul Section, Pu C. Tlanliana te in huamin”
(Total No. of Household Contained: 55) Buffer Zone:

Tuaitit kawn- Zahmingliana, K.Lalrindika (Aibawk lam)

Thlerpui- Darlak Veng- K.Lalramenga, V. Lalremruata (Kawng hnuai)

Pi Lalbiakzauvi (Kawng chung)

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.