Nimin (ni13.6.2012) tlai dar 4:00 khan SAG, SAI Extension Centre, Lunglei ah Teakwando zirlai 16 hnenah Colour belt hrang hrang hlanna hun neih a ni a. He hun ah hian Pu Malsawmsanga, DIPRO, Lunglei chu khuallian niin, Pu CMS Dawngliana, President Lunglei District Amature Taekwando Association in a kaihruai a ni.

Khuallian chuan Teakwando avangin khawvel leh national level ah mizo hming a tha tawh a. He Sport discipline hi olympic games ah kum 2000 atanga telh a nih tawh avangin Mizo thalai tan pawh olympic gold medal kan beisei ngam a ngai a ni a ti. Eizawn nan tun ah Taekwando leh Martial art dang te UFC, Strike force leh K-I ah te mi tam takin an hmang mek a, hei hi Mizo Taekwando leh Martial Art thiam te goal ni ve se a tha hle ang a ti bawk.

Pu Joseph Lawmsanga, General Secretary, MATA, chuan kumtin MATA in belt award na tur exam a buatsaih thu a sawi a. Black Belt erawh chu Shillong ah exam thin a ni a ti. Lunglei District ah hian Taekwando zirlai 300 chuang hret awm in mi 70 vel in regular tak a an practice thin thu belt hlanna kaihruaitu Pu Francis Lalnuntluanga, Technical Director, LDATA chuan a sawi a ni.