Sports and Youth Services Minister Pu Zodintluanga chuan ni 5 chhung awh 14th Mizoram Official Taekwondo Championship, Ramhlun Sporting Club Field, Ramhlun North-a neih chu nizan khan a khar.
Pu Zodintluanga chuan Mizoram Amateur Taekwondo Association chu naupang an enkawl leh kaihhruai danah entawntlak a tih thu a sawi a. Mizoram tihmingthatu an nih fo tawh thu tarlangin North East Games tun hnaia neihah Gold medal 7, Silver medal 2 leh Bronze medal 7 an hawn thei a, chutih rualin State dangte khum thei turin tan an lak nasat erawh a tul a ni, a ti. Thalaiten infiamna lama hma an sawn theihnan sorkar chuan theihtawp a chhuah a, naupang an nih lai atanga infiamna discipline hrang hranga tha taka kaihhruai leh zirtir an nih theih nan Catch Them Young policy sorkar chuan a kalpui a. Inkhelhna leh infiamna hmanrua tha ber ber pawh Mizoram infiammite tan sorkar chuan sum tam tak sengin a buatsaih sak tawh a, a la chhunzawm zel dawn a ni a ti bawk. Tihtakzeta tan la a, infiamna lamah India ram mai ni lo khawvel pum an hneh thei a ni tih hre turin Minister chuan infiammi kal khawmte a chah a ni.
14th Mizoram Official Taekwondo Championship hi May ni 13 khan Agriculture Minister, Aizawl North II Bialtu MLA Pu H. Liansailova'n a hawng a, a khar ni pawh hian Minister hian a telpui a ni. He Championship-ah hian Saiha, Lunglei, Serchhip, Champhai, Mamit, Kolasib leh Aizawl District atangin team 19 an tel a. Infiammi tel zawng zawng 321 zinga 103 chu hmeichhia niin 218 chu mipa an ni a, Sub-Junior (kum 14 hnuai lam) infiammi 157, Junior (kum 14-17) infiammi 75 leh Senior ah infiammi 36 he inelnaah hian an tel a ni. Category hrang hranga Champion te inkarah Champion of the Champions zawnna neih a ni bawk a, chawimawina nomawi bakah cheng 5000 lawmmanah an dawng a. Mipaah Johny Vanlalruatsanga (SAI) leh hmeichhiaah Lalremruati (SAI) te chu he inelnaa Chawmpion of the Champions te an ni. Inelna pumpuia team ti tha berte chu pakhatna Sports Authority of India (SAI), pahnihna Champhai SSA leh pathumna Armed Veng Taekwondo Club te an ni. Club tel zawng zawng hnenah participation prize pek vek an ni bawk.
14th Mizoram Official Taekwondo Championship hi May ni 13 khan Agriculture Minister, Aizawl North II Bialtu MLA Pu H. Liansailova'n a hawng a, a khar ni pawh hian Minister hian a telpui a ni. He Championship-ah hian Saiha, Lunglei, Serchhip, Champhai, Mamit, Kolasib leh Aizawl District atangin team 19 an tel a. Infiammi tel zawng zawng 321 zinga 103 chu hmeichhia niin 218 chu mipa an ni a, Sub-Junior (kum 14 hnuai lam) infiammi 157, Junior (kum 14-17) infiammi 75 leh Senior ah infiammi 36 he inelnaah hian an tel a ni. Category hrang hranga Champion te inkarah Champion of the Champions zawnna neih a ni bawk a, chawimawina nomawi bakah cheng 5000 lawmmanah an dawng a. Mipaah Johny Vanlalruatsanga (SAI) leh hmeichhiaah Lalremruati (SAI) te chu he inelnaa Chawmpion of the Champions te an ni. Inelna pumpuia team ti tha berte chu pakhatna Sports Authority of India (SAI), pahnihna Champhai SSA leh pathumna Armed Veng Taekwondo Club te an ni. Club tel zawng zawng hnenah participation prize pek vek an ni bawk.
