Tun hnaia Mizoram khaw thlang lama buaina chhuak nghawng zelah Mamit District huamchhunga kangmei avanga in leh lo chan chhungkaw engemaw zat an awm a. Sorkar-in heng in leh lo changte chhawmdawlna atan State Level Relief Co-ordination Committee chu Secretary, Disaster Management & Rehabilitation Department hovin a din a. Tanpuina vawiin ni 17.11.2009 thlenga dawn tawh chu hetiang hi a ni :

1.    Mizoram Presbyterian Church, Synod    -    Rs. 2,00,000/-
2.    Baptist Church of Mizoram            -    Rs. 1,00,000/- leh                                             Secondhand Bale 27
3.    Catholic Church, Aizawl Diocese        -    Rs. 70,000/-

Ni 16.11.2009 khan kangmei tuarte chhawmdawlna tur Dekchi lian 60, Dal 8 Qtls, Silpaulin 1000 leh Secondhand Bale 27 te chu truck trip 3 in Disaster Management & Rehabilitation Department Field Officer te kaihhruaina hnuaiah Dy. Commissioner, Mamit hnenah thawn nghal a ni. Dy. Commissioner, Mamit hian an buhfai eitur leh khawmawl leh in kang tanpuina pawisa fai a sem mek bawk a ni. Pawisa fai tanpuina hmunte hi an ei tur buhfai lei nana hman tura ruahman a ni.

Vawiin hian ration buhfai tur Supply Department atangin Kawrtethawveng ah truck trip 3, Tuidamah truck trop 3 leh Kawrthah ah truck trip 2 thawn a ni bawk.

Kangmei tuarte tanpuina, pawisa faiin emaw thawmhnaw, bungrua te pe duh tan, Kohhran emaw, pawl/mimal tan pawh a hnuaia hmun tarlan ah hian Office hunchhungin pek theih reng a ni. A tuartu dik takte hnena pek anih theih nan Deputy Commissioner, Mamit hnenah thawnthlak dan ngaihtuah zel a ni ang. Kang tuarte khuaah SDO/BDO/VC hovin Peace Committee din a ni a. Heng hian uluk taka an finfiah hnuah Tanpuina te hi sem tur a ni.

    Office of the Secretary
    Disaster Management & Rehabilitation Department &
    Chairman, State Level Relief Coordination Committee,
    Room No. 220 & 221
    Phone No. 2325291, Mobile 9436140449
    Civil Secretariat, New Capital Complex.