No.3160/2019-2020

Vawiin tlai hian Serchhip District Task Force Committee on Covid-19 te chuan state pawn atanga lo haw, mahni ina inkhung hranna nei lote dah hranna tur te, inkhung hrang zinga rinhlelh theiha natna nei te dahna hmun tur leh Covid-19 positive lo awm palh te enkawlna tur Ward ruahman, SIRD Panchayati Resource Centre hmunhma an tlawh.

An Chairman Pu H. Dolianbuaia, MCS, DC hovin Task Force Committee hian SIRD DPRC hi an tlawh a, he hmun an tlawh hma hian Nursing School Building chu a hman theih dawn leh dawn loh an en hmasa bawk. Committee chuan, DPR Centre, room, toilet nei hrang vek room 14 awmna leh Ward atana hman theih Hall awmna chu a ground Floor chu inkhunghranna (quarantine) nei lote khung hran nana hman a, basement floor chu rinhlelh theiha natna nei te dah hranna (Isolation) nana hman leh Auditorium Hall chu Positive Case nei te enkawlna Ward atan a hman theihin a ngai a. A tul angin quarantine leh Isolation hi chu Tourist Lodge ah pawh tihbelh theih niin a ngai a, mamawh dan a zirin building dang pawh a awm zel thei tura ngaih a ni.

Vawiin vek hian he building hi hman nghal tura sing sak a ni a, zanin atangin State pawn atanga rawn haw, mahni in lama inkhung hranna nei remchang lote riah luh tir nghal an ni ang. Heng riak lut tura tih te hi Covid-19 natna kai an ni hran lova, sawrkar thuchhuak anga inkhung hrang rih tura tih, mahni in lama Room nei rem chang rih lo te an ni tih kan hriat tlan a tha awm e.

Tun dinhmunah Serchhip District-ah inkhung hrang mek hi mi 59 an awm mek a ni.