1953/2022-2023

Lunglei the 16^th September, 2022 - Nikum November thla tir atanga Lunglei District-a hmalakna kalpui chhoh mek ‘MIPUI HNENAH KAL RAWH – GO TO THE PEOPLE’ Project chu vawiin khan Lunglei DC Pu Kulothungan A hovin Tawipui S khua ah buatsaih a ni.

Vawiin program-ah hian Lunglei District hnuaia Department/bank 12 telin mipui tan service 20 chuang  an pe chhuak a ni.

‘MIPUI HNENAH KAL RAWH – GO TO THE PEOPLE’ Project in a tum ber chu District mipui, a bik takin thingtlang khaw kilkhawr zawka cheng te tan Department te kaltlangin an khua ah ngei an mamawhte chhawpchhuah sak bakah sawrkar scheme hrang hrang te hrilh hriata, application thehluh tul te a hmuna tih fel pui saka, certificate siam sak te a ni. Hemi bakah hian an mamawh leh vei zawng hrang hrang sawrkar hnenah an thlen theihna hun siam sak a ni. He hmalakna hi hlawhtling takin Hauruang khua ah leh Thenhlum khua ah te lo kalpui tawh a ni.

Hawnna inkhawm Lunglei BDO Pi Margaret J Vanlalremmawii kaihhruaiah Lunglei DC Pu Kulothungan A chuan hawnna thu sawiin ‘MIPUI HNENAH KAL RAWH – GO TO THE PEOPLE’ Project chu nikum November thla khan Lunglei Distric-ah kalpui tan niin mipuiten an hlut hle a ni a ti a.  Inkalpawhna te a that tawkloh vang leh lirthei harsatna avang ten thingtlang a cheng tam tak te tan District capital tlawh a harsat avangin an mamawhte an khua ah ngei chhawpchhuah sak an ni, a ti a. He project ti hlawhtling tura Department hrang hrang official-te, DC office-a officer-te leh staff te thawhrimna leh inpekna avangin an chungah lawmthu sawiin tlawmngai pawl hrang hrang leh khawtlang hruaituten phur taka anlo tawiawm thin avangin lawmthu a sawi bawk a ni.

Vawiin GO TO THE PEOPLE a service pek chhuah te chu:

Vawiin program-ah hian Tawipui S leh a chhehvel khua mipui ten an hlut hle a, mipui thahnem tak an kalkhawm a ni.