Inthianthatna leh in unauna awmna atan a bialtu MLA in a buatsaih Aizawl North -III Assembly Constituency huamchhunga taxi stand welfare football friendly match chu vawiin khan Rajiv Gandhi Stadium, Mualpuiah khelh a ni a, Parliamentary Secretary leh bialtu MLA ni bawk Pu Lal Thanzara chu khuallian ni in he hun hi a hmanpui.

Khuallian Pu Lal Thanzara chuan taxi driver te chu zoram darthlalang in ni tiin, hawihhawm taka zin vei vak mi te lo dawngsawng turin a fuih a. Aizawl North-III constituency chhunga taxi driver te chu driver hawihhawm ber ni turin a chah bawk. Sawrkar hmalakna te tawiawm turin a sawm bawk.

He football  friendly match ah hian Aizawl North-III Assembly Constituency huamchhunga taxi stand welfare 4 te chu an tel kim hle.