Ni 22 August, 2013 khan Dr. Gautam Borgohain, WHO Consultant hovin Directorate of Health Conference Hall, Dintharah TB enkawlna chungchangah 2nd Quarter 2013 (April-June 2013) Review Meeting neih a ni.
He meeting Dr. Vanlalhruaii kaihhruaiah hian Dr. Lalrinliana Sailo, Director, Hospital & Medical Education chu Khuallian niin, TB vei ten damdawi an ei that loh chuan MDR-TB (Multi Drug Resistant-TB) an vei theih thu sawiin, tun dinhmunah Mizoramah vei thahnem tak an awm a, hengte hi tihdam vat a nih loh chuan hun rei lote chhungin khawtlangah nasa tak a darh thei a ni, a ti. MDR-TB vei nia rinhlelh te khak exam-na Mizoramah a awm ve loh avangin Guwahati leh New Delhi-ah te sum tam tak senga thawn thin a ni a, Mizoramah ngei exam a nih ve theih nan Central TB Division chuan Mizoram chu CB-NAAT khawl a pek tur thu leh Follow up culture tih na tur Laboratory siam a phalsak thu Dr. Lalrinliana Sailo chuan a tarlang. TB vei hmuchhuak tur leh a vei mek te an dam theih nan thawk tute’n nasa leh zuala tan lak a ngaih thu sawiin, contract a thawk mek te chu Sorkarin a ngheta lak an nih theih dan tur ngaihtuah vat a tul thu a sawi.
WHO Consultant, Dr. Gautam Borgohain pawhin CB-NAAT chungchangah power-point presentation a pe a, he khawl hi nuai 35-40 chuang man niin, cartridge pakhat man hi Rs.17,000/- a ni a, damlo pakhat enkawl nan cartridge pakhat zel hman tur a nih thu a sawi.
He quarterly review meetingah hian April-June, 2013 chhunga TB vei hmuhchhuah chungchang chhui bingna neih a ni a. District hrang hrang atanga report-a a landanin April-June, 2013 chhunga TB vei thar hmuhchhuah zawng zawng chu 592 an ni a, an zinga mi 223 chu an khakah TB hrik hmuh an ni a, 91% chu enkawl dam an ni. Kum 2012 chhung khan Mizoramah TB natna 79 an awm a, kumin January-June thlenga thi zat mi 43 an awm bawk. Mizorama MDR-TB vei hmuhchhuah zingah mi 7 chu an thi tawh bawk a ni.
He meeting-ah hian District hrang hrang atangin District TB Officers, MO-TC, DOT Plus Supervisors, Senior Treatment Supervisors, Senior TB Laboratory Supervisors, Accountant te an tel a ni.
