Ni hnih awh TB enkawlna chungchanga Review Meeting chu vawiin May ni 21 chawhma dar 10 khan Aijal Club Conference Hall-ah Dr. K.Ropari, Principal Health & FW hova neih a ni.
Dr. K.Ropari, Principal Director chuan TB Review Meeting neih a ni chu lawmawm a tih thu leh review meeting chu thawktute tan hlawkpuiawm tak ni tura a duh thu a sawi a. TB natna chuan hniam lam pan mawh viauin lang mahse thawktute inpekna rah avangin a enkawl dam kawngah success rate a sang tha viau mai chu lawmawm a tih thu sawiin TB natna control thei turin guidelines te ngaihpawimawh i la, thawhhona tha tak nen theihtawp i chhuah tlang ang u a ti.
He Meeting hi Dr. Vanlalfela, State TB Officer in a kaihruai a, thla thum dana TB enkawlna chungchang thlirletna bahlah miah lova neih a ni thin chu lawmawm a tih thu a sawi.
Review Meeting-ah hian Dr. Gautam Borgohain, WHO Consultant, Dr. Vanzarliana, Medical Officer, STCS, Dr. Albert Lalhminghlua, Medical Officer, DR TB Centre leh Dr. J.Rinkimi, TB-HIV Coordinator te hnen atangin presentation pawimawh tak tak ngaihthlak ho a ni bawk.
He Review meeting a kumin January - March 2015 chhunga Mizorama TB enkawlna chungchang chhuibingna chu hetiang hi a ni.
TB vei nia rinhlelh exam zawng zawng - 2703
TB vei hmuhchhuah - 540
Khaka TB Vei hmuhchhuah - 144
TB vanga boral - 21
TB leh HIV veikawp enkawl zat - 44
Mizorama CB-NAAT-a MDRTB test zat - 86; Hmuhchhuah - 9
TB vei enkawl dam - 83%
He hunah hian District hrang hrang atangin District TB Officers te bakah Senior Treatment Supervisors, Senior TB Supervisors, DOT Plus Supervisors te an tel tha hle a, he review meeting hian naktuk thleng a awh ang.
