Vawiin khan Mamit DC Pu Vanlalngaihsaka hovin DC Conference Hall-ah meeting chhawng hnih neih a ni.
Meeting hmasa zawkah hian Mamit khawchhung kawngpui tih that, tih zau leh kawng thar siam chungchang ngaihtuah tura din District Level Core Committee te thuin Mamit khawchhung kawngpui thuam thatna a hmalak dan tur sawi ho ani a. Committee Chairman DC Pu Vanlalngaihsaka chuan UD&PA Department in Mamit khawchhung kawngpui siam that nan leh enkawlna tur Project siam a mamawhte thlen tura a tih anga meeting hi koh anih thu a sawi a. Meeting hian VC te nen inrawn chungin PWD v(Road) Mamit lamin lo bawhzui se an ti a ni.
Meeting hnuhnung zawkah DC kaihhruaina tho niin VCP te, Sub-Hqr YMA, MZP leh NGO dangte nen Reang (Bru) laklet tur chungchang a Bru te awmna tur khua ruahhman dan sawiho a ni a. DC Pu Vanlalngaihsaka chuan boruak muanawm tak hnuaiah Reang(Bru) te an laklet theih nan NGO te thawhho puiah sawmin, chhungkaw 2594 an beisei thu a sawi bawk. Thil ho te ah mualpho theihna anih avangin rilru inhawng tak leh entawn tlaka lo dawngsawng turin kan inbuatsaih a tul a ni, a ti. VCP te leh NGO lamte chuan sorkar ruahmanna chu tha an tih thu sawiin,dodalna an neih loh thu leh theihtawpa tawiawm an tum thu an sawi.
