Ni 20 - 21 October, 2011 chawhma dar 10:30 khan Health Directorate Conference Hall, Dinthar-ah TB enkawlna chungchang 3rd Quarter 2011 (July - Setpember, 2011) chhunga TB enkawlna thlirletna Review meeting chu Dr. C. Lalthanmawia, Jt. Director, Health Services hova neih a ni.
Meeting hi Dr. Vanlahruaii, State TB Officer in a kaihruai a. Dr. C. Lalthanmawia chuan thu sawiin Revised National TB Control Programme ten Review Meeting thla thum dan a TB enkawlna chungchang thlirletna bahlah miah lova neih thin a ni chu lawmawn a tih thu a sawi a. Programme reng reng kan tui chilh a pawimawhzia thu sawiin Mizoramah tihdam theih oh TB vei Multi Drug Resistant te enkawlna tur DOTS - PLUS WARD pawh Falkawn Referral Hospital-ah sak mek niin, thawktu thar te pawh lak anih thu leh, kumin 2011 chhunga hawn hman tum a nih thu a sawi.
He quarterly review meeting-ah hian TB vei hmuhchhuah chungchang chhui bingna neih a ni a, July - September 2011 chhunga TB vei thar hmuhchhuah zawng zawng zat mi 1759 an ni a, enkawl dam zat chu 90 % niin hemi quarter chhunga target chu khum a ni. He meeting-ah hian HIV-AIDS leh TB natna inlaichin dan chungchang leh HIV + zinga 50 - 60 % vel hian TB an vei tel thin avangin nasa lehzuala tan lak a tul thu sawi a ni.
Heng bakah hian kum 2012-2013 atan District leh State tana Annual Action Plan siamna neih zui nghal a ni bawk. District hrang hrang atangin District TB Officers, Senior Treatment Supervisors, Senior TB Laboratory Supervisors, Communication Facilitator, DEO leh Accountants te he meeting ah hian an tel a ni.
