No.4309/2021-2022

Aizawl 17th March, 2022 : Vawiin khan kum 2025 hmaa India ram puma TB umbo beihpui thlakna kal mekah, Mamit District chhunga House to House survey Launch Event of Aashwasan Campaign chu Dr. Zothankhuma Chhakchhuak, Chief Medical Officer chuan CMO, office kawt atangin a vailiam.

He mi pual inkhawm tawi CMO Office Chamber-neihah Dr. Zothankhuma chuan TB umbo chu India Prime Minister-in a ngaih pawimawh em avangin hmalakna chak taka kalpui a nih thusawiin, Mamit District chhungah thawktute thahnem ngaihna leh hmalakna avangin TB hrik hmuhchhuah pawh a tlem zel thu a sawi a. Mamit District chu Mizoram District zingah TB awmlohna Free TB ni hmasa ber tura hmala turin thawktute a chah a ni.

CMO chuan kan District chu hnam chi hrang hrang chenna kan nih avangin hriselna kawngah pawh hnufum bika ngaih kan ni a, a taka thawkchhuaktu te chu an va dawr turte hrethiam tak chung leh an thinlung hneh ngei tum a hmala turin a chah bawk.

Pu Hmingchungnunga, Sr. DOTS PLUS TBHIV Supervisor chuan ACF chungchangah training a pe bawk.

Piramal Swasthya Team-te hian District chhungah thawktu pa 7 neiin, Reiek, West Phaileng leh Zawlnuam Block-ah te then a ni a. Heng Block chhungah hian ni 100 chhungin House to House survey neih a ni dawn a, TB natna nei inrinhlelhna neite tan Screening nei nghal zel a ni ang, Block chhunga khaw tin Village Council-te nen tangrualin Awarness Campaign te neih thin a ni bawk ang.

He hun hi Dr. C Hrangkapzawna, MO District Hospital chuan kaihruaiin, Pi Lalramnghaki Hauhnar, State MIS Co-Ordinary chuan campaign sawi hawnna a nei a. Pu Lallawmzuala Tochhawng, District Supervisor, Mamit chuan lawmthu sawina a nei bawk.